Xornada divulgación Marcha nórdica: Coruña e Ourense

Continuamos coas xornadas de divulgación da marcha nórdica.

Desta vez en Ferrol o día 7 do próximo mes de Abril:

Tamén estaremos no Barco de Valdeorras o día 15 de Abril:

¡Animádevos a coñecer esta disciplina!

Posted in ACTIVIDADES, MARCHA NÓRDICA, SENDEIRISMO, Varios | Comentarios desactivados en Xornada divulgación Marcha nórdica: Coruña e Ourense

Campeonato do Mundo de Raquetas de Neve (3 de Marzo de 2018)

O pasado 3 de marzo tivo lugar un gran acontecemento no mundo do montañismo. Desenrolouse por primera vez en España na contorna de Fuente Dé en Cantabria o “Campeonato do Mundo de Raquetas de Neve”organizado por Picos Xtreme co respaldo Federación Internacional de Raquetas de Nieve (WSSF) e da Federación Española de Deportes de Montaña e Escalada (FEDME).

O percorrido foron uns fermosos 9km onde cometían as categorías masculina e feminina coas subcategorías  junior, senior  e veteranos.

A socia do clube Xesteiras Manuela Torres afincionada o trail de montaña acadou a meritoria MEDALLA DE BRONCE  na categoría  Veterana Absoluta. Contános dun xeito anecdótico que presentouse en Fuente Dé para adestrar as futuras compes de trail e que nunca correra con raquetas pola neve; sendo esta a súa primera toma de contacto.

¡¡Dende a FGM queremos darlle a noraboa a Manuela Torres por acadar esa meritoria  posición no pódium do Campeonato do mundo de raquetas de neve 2018!!

Fonte: Picos Xtreme e David S. Bustamante Fotografía

 

Posted in ACTIVIDADES, CARREIRAS POR MONTAÑA, Varios | Comentarios desactivados en Campeonato do Mundo de Raquetas de Neve (3 de Marzo de 2018)

1º Clube de Marcha Nórdica en Galicia

Dende o pasado mes de febreiro constituíuse o primeiro Clube  de Marcha Nóridca en A Coruña, baixo o abrigo da “Federación Española de deportes de Montaña y Escalada” (FEDME) e da “Federación Galega de Montañismo” (FGM)

A Marcha Nóridca chega a Coruña a finais do ano 2012 grazas a Regina Basadre, alumna e amiga de Cecilia Garcia Carrara. A partires de este intre, Cecilia profesional da actividadae física e o deporte comeza a dinamizar a actividade pola cidade.

En Marzo de 2017, gracias ao apoio do “Consorcio de Turismo”, o Concello da Coruña e a FGM, a cidade acolle a primeria proba puntuable de ranking FEDME de marcha nórdica, e dende aquí, esta actividade comeza a popularizarse pola cidade.

A día de hoxe, somos ao redor de 80 persoas practicando esta modalidade deportiva pola Coruña e contorna, tendo así a necesidade de dar un paso máis e crear un clube no cal se poida dar amparo federativo a tod@s participantes deste deporte.

Dende este momento o clube xa tramita licenzas federativas a todas as persoas que estén practicando esta modalidade deportiva.

Dende este clube se traballará coordinadamente coa Federación Galega de Montañismo para dinamizar este deporte.

O contacto co clube por se hai alguén interesado:

Club Marcha Nórdica en A Coruña
Presidenta: Araceli Zubiaurre Rodriguez  
clubmarchanordicacoruna@gmail.com

Posted in ACTIVIDADES, MARCHA NÓRDICA, Varios | Comentarios desactivados en 1º Clube de Marcha Nórdica en Galicia

RESUMO DAS REUNIONS ZONAIS DA FGM

A finais do mes de febreiro de 2018 tiveron lugar as reunións zonais da Federación Galega de Montañismo, que nesta ocasión tiveron por escenario Ferrol, Lugo, Ourense e Vigo.

Estos encontros teñen por obxetivo que todos os clubs galegos, formen ou non parte de Asemblea da nosa Federación, podan expoñer as súas inquedanzas e informarse sobre o noso deporte e as súas múltiples modalidades.

Falouse de todo de carreiras por montaña,  de construccións e utilización de rocódromos en Galicia, da rede gaelga de sendeiros homologados, dos refuxios federativos e obra de acondicionamento dos mesmos, dos cursos de nosa EGAM, do encontro de alpinismo, tamén do aumento de competicións, das xornadas de tecnificación, didáctica e actividades,  carreiras por montaña e un longo etcétera.

Un dato a destacar foi que a finais de xaneiro no 2017 había 1800 licencias e este ano a 31 de xaneiro tíñamos xa 4100 tarxetas o que permite pensar que este ano teremos novamente un aumento espectacular das mesmas.

Comunicáronse aspectos organizativos dos eventos estatais FEDME a desenrolar en Galicia este ano pola nosa FGM; como o “Campionato de España de escalada de deporte escolar” e a reunión das “Escuelas autonómicas da escuela Española de alta montaña” organizada pola nosa EGAM, ambos eventos terán lugar en Santiago de Compostela, tamén o “Campionato de España de clubs de carreiras por montaña” en Parada de Sil (Ourense) e unha proba do ranking de marcha nórdica da FEDME en Vigo.

As reunións foron moi útiles e plantexáronse novas iniciativas sobre o noso deporte, e clarificáronse non poucas dúbidas que tiñan directivos de diferentes clubs galegos sobre algún aspectos da organización federativa.

En todas as reunións estivo presente o presidente da FGM Adolfo Puch acompañado de diferentes directivos e persoal técnico;o vicepresidente 1º Raúl Leiros, o secretario xeral Manuel Domínguez, o director técnico José Manuel Pérez, o director da EGAM David Pérez, a vogal de Comunicación Cristina Conde, o vogal de promoción Infantil Fernando Pérez,e os delegados provinciais, etc.

Pensamos que ditas reunións como en outros anos resultaron satisfactorias, útiles e clarificadoras para todos 

Posted in COMUNICADOS, Varios | Comentarios desactivados en RESUMO DAS REUNIONS ZONAIS DA FGM

NOVO FACEBOOK: “MULLER , DEPORTE E MONTAÑA FGM”

Non pode ser mellor día hoxe para presentarvos o novo facebook da FGM “MULLER , DEPORTE E MONTAÑA FGM”

Os obxectivos desta páxina serán os seguintes:

  •  Visualizar as actividades que organizan e/ou desenvolven deportistas femininas das diferentes modalidades desta federación deportiva.
  • Divulgar as actividades organizadas polos clubs inscritos nesta federación, nas que participan deportistas femininas.
  • Divulgar actividades de interese para as deportistas de diferentes ámbitos: formativo, educativo, deportivo, da saúde, familiar, científico…
  • Divulgar eventos, cursos, xornadas… organizadas pola Federación Galega de Montañismo, que poidan realizar mulleres.
  • Visualizar as persoeiras e iniciadoras dos nosos deportes, tanto no ámbito da xestión, como deportistas.
  • Divulgar o traballo, sempre que o desexen, de mulleres que colaboran na xestión dos clubs deportivos inscritos nesta federación.

Dende aquí animamos a todos os clubs inscritos na Federación Galega de Montañismo, as e os deportistas, que nos acheguen a información que desexen divulgar a este correo:

mulleredeporte@fgmontanismo.es

A Federación pretende proseguir escribindo a historia da muller alpinista, promover a súa presenza nas diferentes actividades que se promoven desde a FGM e desde a Escola Galega de alta montaña (EGAM); nos grupos de tecnificación, así como en profesións ligadas ao montañismo, visualizando a súa presenza decidida no panorama actual da montaña.

¡NORABOA A TODAS AS MULLERES HOXE E OS DEMAIS DIAS DO ANO!

Posted in COMUNICADOS, Varios | Comentarios desactivados en NOVO FACEBOOK: “MULLER , DEPORTE E MONTAÑA FGM”

DÍA INTERNACIONAL DA MULLER 8 de Marzo

A Federación Galega de Montañismo pola plena igualdade de sexos na vida, no deporte e na Montaña.

Dende a FGM promovemos accións positivas para a integración da muller nos deportes de montaña. Fomentamos a participación das mulleres no ámbito da actividade física e o deporte, superando as barreiras ou obstáculos que aínda hoxe día dificultan a realidade dunha práctica deportiva con equidade de xénero.

Asociación para mujeres en el deporte profesional A.M.D.P.

Outras accións tomadas pola FGM: Adopción no 2017 do acordo de anexión á Acción colectiva de sensibilización social, contra as violencias machistas.

 

“En Negro Contra As Violencias” é unha campaña de denuncia e sensibilización social contra a violencia de xénero promovida por máis de 75 concellos galegos.

Queremos facer mención só a algunhas das moitas mulleres deportistas que temos no noso deporte: Chus Lago, Lynn Hill, Edurne Pasaban, Silvia Vidal, Araceli Segarra, e moitos máis etcéteras….

¡GRAZAS A TODAS AS MULLERES!

 

Posted in COMUNICADOS, Varios | Comentarios desactivados en DÍA INTERNACIONAL DA MULLER 8 de Marzo

CTE: DEMOLITON CLIMB PONFERRADA

O venres 2 de Marzo a media tarde reunimos o noso equipo de tecnificación de escalada da FGM na cidade de Ourense. Dito equipo está formado por 6 escaladoras e 6 escaladores procedentes de diferentes puntos de Galiza.

Xuntos viaxamos ata a aldea de Sobrado, próxima a Ponferrada. Aquí pernoctamos e planificamos a estratexia para afrontar a nosa primeira competición fora da terra como equipo.

As 10.30 do día 3 xa estamos no rocodromo e comezamos co quecemento para estar a punto as 11.00.

A  competición en formato maratón remata as 18.30 e os competidores teñen 23 problemas de bloque e 30 vías puntuables, según a súa dificultade.

O equipo traballa duro e sen incidencias, agás a contractura de Mirian Caiña no trapecio a media xornada que a imposibilita para seguir co bo ritmo que levaba. A altísima participación (170 inscritos) obrigaba a manter un permanente control por parte de Jose Juan e Fini, os nosos técnicos, para non saírnos do plan e acadar os mellores resultados posibles.

Sinalar tamén a ausencia categorías inferiores, de xeito que os nosos chaval@s (algúns de so 12 anos) tiveron que competir con adultos. Malia a sua xuventude e inesperiencia conven sinalar que a sua actitude foi en todo momento proactiva e valente, estando na meirande parte dos casos, moi por riba das expectativas.

Así que conven destacar o posto décimo de Dafne Martinez o undécimo de Estela Miles e o duodécimo de Aitana Rodriguez, dos clubes Asesou, Trevinca e Celtas.

Na categoría masculina destacar o papel de David Alvarez e Mateo Toro, ámbolos dous de Indoor Club de Escalada.

Esta enriquecedora experiencia nos anima a seguir traballando nesta liña, sabedores de que nun futuro inmediato dará froitos maduros e de calidade.

Por último agradecer a Sopinsa/Taladrando a súa implicación no proxecto como esponsor, aportándonos esperanza e ilusión para os vindeiros anos.

Posted in ACTIVIDADES, ESCALADA, Varios | Comentarios desactivados en CTE: DEMOLITON CLIMB PONFERRADA

CONVOCATORIA DE PRAZAS DE INGRESO NO EQUIPO DE NOVOS E NOVAS ALPINISTAS GALEGOS/AS

A Vogalía de Alpinismo da Federación Galega de Montañismo abre unha convocatoria para formar parte do Equipo de Novos e Novas Alpinistas Galegos/as (ENAG). A formación avanzada e a tecnificación do alpinismo teñen que ter o seu espazo no deporte galego e, os grupos de traballo de novos deportistas, deben inserirse dentro dunha planificación elaborada para un itinerario deportivo individual.

CONVOCATORIA ENAG

PROMOCION ENAG

Se cumpres os requisitos da convocatoria, tes un ánimo de rendemento físico e técnico na práctica da escalada, esquí de montaña (ou alpino), montañismo invernal ou alpinismo, se estás motivado/a e te sentes atraído/a polos deportes de montaña, só tes que enviarnos o teu currículo deportivo e participarás na selección de deportistas que constituirán o ENAG.

 

Posted in ACTIVIDADES, ALPINISMO, Varios | Comentarios desactivados en CONVOCATORIA DE PRAZAS DE INGRESO NO EQUIPO DE NOVOS E NOVAS ALPINISTAS GALEGOS/AS

CELEBROUSE POR PRIMEIRA VEZ O CAMPAMENTO INFANTIL DE MONTAÑISMO INVERNAL

Nenos e nenas de 10 a 14 anos de toda Galicia, achegáronse aos Ancares para aprender a moverse con seguridade e eficiencia na montaña invernal da man da Escola Galega de Alta Montaña.

A idea era que xunto á lóxica diversión e convivencia, as persoas participantes comezaran a súa formación técnica para ser montañeiros e montañeiras seguros e respetuosos co medio ambiente, e comezar a súa carreira deportiva nos nosos deportes dun xeito lóxico e técnico.

A idea é que todos os nosos menores teñan a oportunidade de aprender cun proceso axeitado o que supón ser montañeiro/a xa fora no Campamento de Montañismo Estival (con escalada, barranquismo, orientación, campamento,…) como neste invernal con (raquetas, piolets,…)

O resultado foi moi positivo cualitativamente ainda que a baixa participación nesta primeira edición fai que reiteremos dende a Federación Galega de Montañismo a necesidade de traballar a base dun xeito serio, progresivo, con continuidade e calidade.

En total participaron nenos e nenas dos Clubs Atletas Veteranos de Ourense, AROMON Pontevedra, Alud, Pena Trevinca Montañeiros de Galicia, xunto aos técnicos da EGAM Katya Sanz (coordinadora) e Manolo Beloso.

Posted in Varios | Comentarios desactivados en CELEBROUSE POR PRIMEIRA VEZ O CAMPAMENTO INFANTIL DE MONTAÑISMO INVERNAL

Curso de Iniciación a Orientación en Lugo

O pasado domingo na Aula de natureza O Veral, celebrouse un curso de iniciación a Orientación promovido pola Escola Galega de Alta Montaña (EGAM).

O curso pemitíu os participantes, 18 persoas vidas dende toda Galicia, coñecer mais sobre o compas e o seu manexo, as informacions contadas nos mapas cartográficos, o trazado de rumbos, etc. en definitiva, gañar máis seguridade e independencia nas suas saídas a montaña.

Pola maña impartiuse o contido teórico na aula e pola tarde os cursillistas fiseron unha saída no entorno para poñer en práctica os contidos aprendidos.

Esta formación encádrase dentro dun amplio calendario que todos os federados temos dispoñible. A EGAM encargouse da formación xerando independencia e seguridade nos deportistas.

Queremos suxerirvos que non deixedes de formaros e que esta clase de cursos sexan o comezo dunha continuidade nas diferentes disciplinas que forman o montañismo (tecnificación deportiva, barrancos, escalada, montaña invernal, etc.)

¡Non deixedes nunca de querer aprender!

Posted in ACTIVIDADES, CURSOS, Varios | Comentarios desactivados en Curso de Iniciación a Orientación en Lugo

CTE: Urban Climbing en Braga

O pasado 24 de febreiro organizouse en Braga a 1º edición de “URBAN CLIMBING”.  Está nova modalidade consistíu en trepar utilizando as técnicas de escalada  polos edificios e monumentos máis famosos desta cidade portuguesa.

A actividade foi organizada pola Associaçao Deportiva de Escaladores de Braga (ADEB)  coa colaboración da Câmara Municipal de Braga e da Federaçao Portuguesa de Montanhismo e Escalada.

Esta proba era aberta a todos os escaladores que quixeran participar,  polo que houbo xente de Galicia que se animou a ir ata a cidade de Braga.

A competición constaba de 25 problemas da modalidade de escalada en bloque.  As modalidades eran xuvenis e senior, ambalas duas femininas e masculinas.

Temos que dar a nosa noraboa a Adrián Álvarez Varela que con 17 anos acadou o primero posto da categoría xuvenil masculina.

Cóntanos como disfrutou desta experiencia:

“Este sábado participei na miña primeira proba de escalada urbana. Foi unha proba espectacular na que déronos a posibilidade de escalar fachadas e monumentos do casco histórico da cidade de Braga en Portugal. Conseguín facer un primeiro posto da categoría xuvenil e fixen amizades cos nosos veciños portugueses” 

Queremos felicitar a esta gran promesa da escalada que actualemente estase formando no Centro de Tecnificación de Escalada CTE da Federación Galega de Montañismo.

¡Noraboa!

Fontes:

https://ced2018.cm-braga.pt/pt/0201/noticias/destaques/item/item-1-634

https://www.facebook.com/ADEBBraga/

Posted in ACTIVIDADES, ESCALADA, Varios | Comentarios desactivados en CTE: Urban Climbing en Braga

I ENCONTRO ANUAL DE ALPINISTAS

O Iº ENCONTRO ANUAL DE ALPINISTAS SUPEROU TODAS AS ESPECTATIVAS

Exitosa xuntaza de alpinistas galegos en Peña Ubiña. Esta montaña leonesa, escenario habitual dos escaladores galegos, acolleu o I Encontro Anual de Alpinistas organizado pola Federación Galega de Montañismo, coa colaboración da Secretaría Xeral para o Deporte, do concello de San Emiliano e do Club Deportivo de Montaña Babia . Os participantes no encontro encheron o val de Babia desbordando todas as previsións e demostrando que o alpinismo galego está máis activo ca nunca, realizáronse múltiples actividades por todo o macizo, desde ascensión de alta dificultade ata alpinismo clásico, pasando por actividades formativas e prácticas de escalada novídosa na Cordilleira Cantábrica como o Dry Tooling.

 

Máis de 80 participantes, entre eles os mellores alpinistas galegos do momento, déronse cita neste Encontro co obxectivo de dar a coñecer montañas próximas e dinamizar este deporte no noso territorio. Escaláronse corredores de xeo e neve de todo tipo de dificultade e desenvolvéronse varios obradoiros técnicos formativos coordinados pola Escola Galega de Alta Montaña: nivoloxía, autodetención, seguros en neve, manexo do ARVA e unha práctica de actuación en caso de avalancha coordinada polo GREIM de Trives.

Tamén se organizaron mostras e probas de material coordinadas polas tendas Terra e Cume Norte, puidemos ver material novidoso de esquí e de alpinismo, probar piolets e crampóns técnicos e descubrir as novidades de material invernal para os anos vindeiros.

O sábado pola tarde, no salón de actos do concello de San Emiliano, asistimos a unha charla do GREIM de Sabero sobre “seguridad en montaña” e a unha conferencia do alpinista Carlos Suárez, un dos mellores embaixadores do alpinismo español de dificultade no mundo, que veu a presentarnos a segunda edición do seu libro Morir por la cima. Neste acto, ao que asistiu o alcalde de San Emiliano D. Basilio Barriada, a Subdelegada do Goberno de León Dna. Teresa Mata e as máximas autoridades leonesas da Garda Civil, o concello de San Emiliano entregoulle unha placa de recoñecemento ao GREIM de Sabero polos seus 50 anos de servicio de rescate en montaña.

Na cea común, á que asistiron todas as autoridades e que se desenvolveu dun xeito máis distendido no Hostal Valle de San Emiliano, a Federación Galega de Montañismo tamén entregou unhas placas de recoñecemento ao alcalde de San Emiliano, á Subdelegada do Goberno, ao GREIM de Sabero, representantes da Federación de Montaña e Escalada de Castilla e León  e á guardesa do refuxio de Torrebarrio.

Pero o prato forte veu cando se entregaron os Premios do Alpinismo Galego, recoñecendo o xurado varias categorias: A Carlos Garrido pola Mellor Actividade alpinística (Norte do Eiger), a Félix Criado pola Mellor Traxectoria Activa (impresionante currículo nas montañas máis altas e difíciles do mundo) e a Lucas Rodríguez como Mellor Promesa (impresiona que con 24 anos xa poida ter realizadas vías de altísima dificultade nos Pireneos, Picos de Europa e Alpes). A noite non rematou aí e aínda puidemos gozar dun sorteo de material onde, alén dunha comunicación distendida e múltiples risas, houbo agasallos para moitos participantes cortesía das tendas especializadas Terra, Cume Norte, Cota Cero, Entrepicos, Ndorfina e Inercia.

A Vogalía de Alpinismo da Federación Galega de Montañismo quere agradecer a todos e todas os/as  deportistas a súa boa actitude, esperando que en próximas edicións a resposta dos alpinistas galegos sexa tan numerosa en cantidade e cualidade como o foi esta fin de semana en Peña Ubiña.

¡Esperamovos a todos para a seguinte!

Aquí tendes un xenial vídeo resumen da xuntanza feito por Pablo Brea coas imaxes de Carlos Romero.

Moitas mais fotos aquí

Posted in ACTIVIDADES, ALPINISMO, ESCALADA, Varios | Comentarios desactivados en I ENCONTRO ANUAL DE ALPINISTAS

3º Xornada divulgación Marcha nórdica: Ourense

O pasado sábado día 24 de Febreiro a vogalía de Marcha Nórdica da FGM estivo presente na existosa terceira xornada destinada a divulgación desta nova modalidade deportiva.

Nesta ocasión a xornada realizouse na cidade de Ourense e estivo organizada pola Asociación de Escaladores Ourensáns (ASESOU) e “La Región” coa colaboración das  profesionais en marcha nórdica, Cristina Gonzalez  e Cecilia Garcia Carrara, ambalas duas profesionais desta Federación.

Saída dende o pabellón dos Remedios Charla técnica: Cristina González Foto: Martiño Pinal

A actividade despertou moitísimo interese, acercáronse unas 100 persoas que tiveron a posibilidade de coñecer a actividade e gozar dunha mañá  pracenteira practicando un deporte saudábel e o alcance de tod@s.

Foto: Martiño Pinal

A partires de este intre,  ASESOU poñerá a disposición dos seus socios e todas aquelas persoas que estén interesadas actividades de marcha nórdica no seu almanaque deportivo.

Foto: Martiño Pinal

¡Dende a vogalía de Marcha Nórdica, agradécese o interese e a disposición dos difererentes clubes federativos para a divulgación da Marcha Nórdica!

Informando que de seguido faranse actividades similares no Barco de Valdeorras, Ferrol e Pontevedra.

Posted in ACTIVIDADES, MARCHA NÓRDICA, SENDEIRISMO, Varios | Comentarios desactivados en 3º Xornada divulgación Marcha nórdica: Ourense

Reunión cos Clubs de Pontevedra na FGM

Hoxe 27 de Febreiro teremos nos locais da Federación Galega de Montañismo unha reunión con todos os presidentes dos Clubs de Montaña da provincia de Pontevedra, o obxectivo e informar dos proxectos e novas federativas, así como escoitar e recoller as vosas inquedanzas sobre a nosa FGM.

Lugar: Rúa Fotógrafo Luis Ksado nº17 Vigo

As 20,15h.

¡Esperamos contar coa vosa participación!

Posted in Varios | Comentarios desactivados en Reunión cos Clubs de Pontevedra na FGM

CHARLA MARCHA NORDICA

O día 16 de febreiro desenrolouse un acto na cidade da Coruña, concretamente unha charla impartida pola Técnica de Marcha Nórdica colaboradora da FGM Cristina González Castro Licenciada en Ciencias da Actividade Física e o Deporte e Graduada en Radioterapia e Oncoloxía pola Universidade de Londres Tamén intervino Mónica Rodríguez Licenciada CCAAFFDD e experta en yoga, onde destacouse a importancia do exercicio en xeral e a marcha nórdica e o yoga en particular como excelentes complementos terapéuticos no tratamento da enfermedade.

A dita conferencia asistiron a Vogal de Marcha Nórdica  FGM Cecilia García Carrara, a Vogal de Montañismo Feminino Fini Maestu Almeida e o Presidente da FGM Adolfo Puch. O longo da disertación puxéronse de manifesto unha vez máis as ventaxas que conleva no mantemento físico e como terapia deportiva o Nordic Walking  a última modalidade deportiva incorporada a FGM.

Posted in ACTIVIDADES, MARCHA NÓRDICA, Varios | Comentarios desactivados en CHARLA MARCHA NORDICA

Xuntanza Ferrol 2018

O día 20 tivo lugar a primeira xuntanza de clubs por provincias convocada pola Federación, para manter un contacto mais directo cos clubes.

A reunión provincial de Coruña que foi nos locais do Club Montaña Ferrol, contou coa presencia de membros de 5 clubes da provincia, mais o pte da Federación Adolfo Puch, o Vicepresidente Raul Leiros e o Drtr. Técnico Xose Manuel P. Prego.

Unha breve introducción por parte do presidente, facendo un escueto balance, da situación actual e das áreas nas que se está a traballar, así como os eventos deportivos mais interesantes que haberá este ano en Galicia.

Despois abreuse, un distendido debate sobre actividades, e un dos temas que mais preocupan na actualidade: a responsabilidade na organización.

Posted in COMUNICADOS, Varios | Comentarios desactivados en Xuntanza Ferrol 2018
  • PROGRAMA Eu son DGAN

    eu son dgan

  • Estamos en Facebook!

  • DESCARGAS

  • FOTOS DAS ACTIVIDADES

  • 2018 COPA GALEGA CARREIRAS POR MONTAÑA

  • 2018 COPA GALEGA ANDAINAS 50 KM

  • 2018 COPA GALEGA DE ESCALADA

  • METEOROLOXÍA